नेकपा एमालेको नयाँ नेतृत्व चयनका लागि भएको मतदान सकिएको छ । २ हजार १५३ प्रतिनिधिमध्ये २ हजार ८५ जनाले मतदान गरेका छन् । 

निर्वाचन अधिकृत हरिशरण दाहालका अनुसार एक घण्टापछि मतगणना हुने र चार घण्टामै परिणाम आउनेछ । राति २ बजेबाट मतदानको कार्यतालिका तय भए पनि बिहान ४ बजेबाट मात्र मतदान सुरु भएको थियो  । २ हजार १५३ जना प्रतिनिधि सहभागी महाधिवेशन गत शुक्रबारबाट सुरु भएको हो ।   

अध्यक्षका लागि केपी शर्मा ओली र भीम रावल चुनावी प्रतिस्पर्धामा छन् । एमालेमा अध्यक्ष तथा उपाध्यक्ष खुलातर्फ ६ पदका लागि सात जना प्रतिस्पर्धामा छन् ।

सात सचिव पदमा ९ जनाको उम्मेदवारी परेको छ। ७ क्लस्टरका केन्द्रीय सदस्यका लागि पनि चुनाव भएको हो । एमाले १० औं महाधिवेशन १० मंसिरदेखि चितवनको सौराहामा जारी छ ।