इजरायली शहर तेल अविव संसारकै सबैभन्दा महँगो शहर बनेको छ । यो आंकलन विश्वभर बढेको महँगीलाई आधार बनाएर गरिएको हो ।

पेरिस र सिंगापुर त्यसपछिका धेरै महँगो शहर बनेका छन् भने ज्युरिख र हङकङ पनि धेरै महँगा शहरको सूचीमा परेका छन् ।

वर्ल्डवाइड कस्ट अफ लिविङ इन्डेक्सले विश्वका १७० देशको खाना र सेवा सुविधाको मूल्यको तुलना गरेका हो । यसको तुलना अमेरिकी डलरअनुसार गरिएको थियो ।

बढ्दै गरेको महँगी र सप्लाइ चेनमा आएको समस्याका कारण विश्वभर जीवनयापनको लागत अत्यधिक बढेको छ ।