एजेन्सी– हलिउडका अभिनेता एवं हास्य कलाकार जिम क्यारीले अमेरिकाका राष्ट्रपति डोनाल्ड ट्रम्पको आलोचना गर्दै उनलाई ‘मेलानोमा’ को नाम दिएका छन् । मेलानोमा छालामा हुने एक क्यान्सर हो । 

जिमले ट्रम्पको आलोचना गर्दै उनले अमेरिकाको कार्यप्रणालीको बलात्कार गरेको आरोप लगाएका छन् । 

हलिउड अभिनेता जिमले एक उत्सव समारोहको क्रममा ट्रम्प, अमेरिकी सिनेटमा बहुमत नेता मिच म्याककोनेल र अन्य रिपब्लिकन नेताको आलोचना गर्दै सबैलाई प्रशासनबाट हटाउन आवश्यक रहेको बताएका हुन् । अहिलेको प्रशासन अमेरिकी जनताको हितमा नरहेको उनको भनाई थियो । 

जिमले ट्रम्प अमेरिकाको ‘मेलानोमा’ रहेको र सारा सेन्डर्स सहित उनीसँग जोडिएका सबै व्यक्तिहरु पनि क्यान्सर सरह नै रहेको बताएका थिए । 
जिम भन्छन् ‘अमेरिका अहिले गम्भिर समस्यामा रहेको र जुन समस्याको शक्तिको लोभले भएको हो ।’