निमन्त्रणा नआएको भन्दै पौडेल समूहले बहिष्कार गर्यो प्रदेश अधिवेशन
फरकधार / १६ मंसिर, २०७८

सुर्खेतमा शुरु भएको नेपाली कांग्रेसको प्रदेश अधिवेशन वरिष्ठ नेता रामचन्द्र पौडेल पक्षले बहिष्कार गरेको छ । 



कांग्रेस महामन्त्री पूर्णबहादुर खड्काको गृहजिल्ला सुर्खेतमा अधिवेशनको उद्घाटनसत्रमा आफूहरूलाई औपचारिक निमन्त्रणा नआएको भन्दै संस्थापनइतर (पौडेल) समूह अनुपस्थित भएको हो ।

संस्थापन (देउवा) समूहका जीवनबहादुर शाहीको नेतृत्वमा अधिवेशन संयोजन समिति गठन गरेको थियो । ‘हामीलाई अधिवेशनमा उपस्थित हुन कुनै खबर आएन’ पौडेल समूहका नेताले भने, ‘खबर नहुँदा हामी पौडेल समूहका नेताहरू अनुपस्थित भएका हौँ ।’

उद्घाटनसत्रमा कार्यक्रमको अतिथि ग्रहणका लागि केन्द्रीय सदस्य हृदयराम थानीलगायतका नेताहरू अनुपस्थित रहेका छन् ।



  • प्रकाशित मिति : मंसिर १६, २०७८ बिहीबार १५:१२:५३,   अन्तिम अपडेट : मंसिर १६, २०७८ बिहीबार १५:२२:५९

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया