फ्रेन्च लिग वान अन्तर्गत शनिबारकाे खेलमा पेरिस सेन्ट जर्मेन (पिएसजी) घरेलु टाेली लेन्ससँग बराबरीमा राेकिएकाे छ ।
डेलिलिस फ्रान्समा दुवै टाेलीले १-१ काे बराबरी खेलेका हुन।
लेन्सले ६२औं मिनेटमा सेको फोफनाको गोलबाट अग्रता लिएको थियो । उनले चिक ओउमार डोउकौरेको पासलाई सदुपयाेग गरे ।
हारतर्फ उन्मुख पिएसजीलाई जर्जिन्हाे विज्नाल्डमले थप गरिएकाे समयमा गोल गर्दै हारबाट जोगाए । उनले केलियन एमबाप्पेको पासमा गोल गरेका थिए ।
याे नतिजापछि पिएसजी १७ खेलमा ४२ अंक जाेडेर शीर्ष स्थानमा कायम रहँदा लेन्स २७ अंकका साथ पाँचौ स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
