संसदको शिक्षा तथा स्वास्थ्य समितिले कोभिड–१९ को नयाँ भेरियन्ट ओमिक्रोन रोकथाममा आवश्यक तयारी थाल्न सरकारलाई निर्देशन दिएको छ।

समिति सभापति जयपुरी घर्तीले विश्वका विभिन्न देशमा ओमिक्रोन फैलिएको भन्दै नेपालमा भित्रिन नदिने सबै उपाय अवलम्बन गर्न निर्देशन दिएकी हुन् । उनले ओमिक्रोन रोकथाममा आवश्यक योजनासहित अघि बढ्न स्वास्थ्य तथा जनसंख्या मन्त्रालयलाई निर्देशन दिएकी हुन्।

भारतमा कोरोनाको नयाँ भेरियन्ट भित्रिएको भन्दै उनले नाकामा खोप कार्ड र कोरोना परीक्षण गरेर मात्रै आवतजावतको व्यवस्था मिलाउन आग्रह गरिन् । छ। नेपालमा भारतबाट आवतजावत बढी हुने भएकाले ओमिक्रोनबाट जोगिन आवश्यक सतर्कता अपनाउनुपर्ने उनको भनाइ थियो । 
 
उनले घर–घरमै पुगेर जेष्ठ नागरिकलाई खोप लगाउने व्यवस्था मिलाउन सरकारलाई आग्रह गरेकी छिन् । कोरोनाविरुद्धको खोपलाई छिटोभन्दा छिटो आमनागरिकमा पुर्याउनुपर्ने उनको भनाइ थियो।