नेपाली कथानक चलचित्र ‘चपली हाइट–३’ ले आगामी पुस २ गतेलाई प्रदर्शन मिति पक्का गर्यो । यहि मितिमा साउथ फिल्म ‘पुष्पा’को विश्व बजारमा प्रदर्शन हुने भयो । ‘पुष्पा’ सोही मितिमा नेपालमा पनि प्रदर्शन गर्ने तयारी सुरु भएको छ ।

आफूले लिएको डेटमा साउथ फिल्म पुष्पाको प्रदर्शन तयारी थालिएपछि नेपाली निर्माता अर्जुन कुमार भने आक्रोशित देखिएका छन् । हिन्दीमा डबिङ गरिएको साउथ फिल्म नेपालमा आफूसँग जुधाएर वितरकहरूले नेपाली चलचित्र माथि खेलबाड गरेको अर्जुनले आरोप लगाइरहेका छन ।

अर्जुन कुमारले पुस २ मै ‘पुष्पा’ नेपालमा प्रदर्शन भएको खण्डमा आफ्नो चलचित्र प्रदर्शन नगर्ने बताएका छन् । उनले आफूले चलचित्र रिलिज नगर्नुका साथै अन्य नेपाली चलचित्र रिलिज नगर्नका लागि सचेत गराउने भएका छन् ।