नेपाली कांग्रेसका नेता शेखर कोइरालाले भोलिदेखि सुरु हुने १४ औं महाधिवेशनमा सभापति पदमा वरिष्ठ नेता रामचन्द्र पौडेललाई साथ दिने भएका छन् ।

आज बिहान भएको संस्थापन इतर पक्षको बैठकमा कोराइलाले पौडेललाई साथ दिन तयार रहेको बताएका हुन् ।

यद्यपि, शेखरले पौडेलसमक्ष एउटा शर्त राखेका छन् । उनले पौडेलसमक्ष आफू पछि हटे प्रकाशमान सिंहले पनि सभापतिको दौडबाट रोकिनुपर्ने शर्त राखेका हुन् ।  

शेखर पनि सभापतिको दौडमा छन् । तर, महाधिवेशन सुरु हुन केही घण्टा मात्र बाँकी रहँदा भने पौडेलसमक्ष शसर्त प्रस्ताव राखेका हुन् । यता सिंहले भने आफू सभापतिको दौडबाट पछि नहट्ने बताएका छन् । 

आज बिहान बानेश्वरमा नेता कृष्णप्रसाद भट्टराईको सालिक अनावरण गर्दै उनले सभापति पदको दौडबाट नहट्ने बताएका हुन् ।