Mon, 25 Mar, 2019


प्रवासी नेपालीले भोट हाल्ने व्यवस्था गर्न ज्ञापनपत्र
फरकधार / मंसिर ६, २०७५

काठमाडौं– विदेशमा रहेका नेपालीले मताधिकार प्रयोग गर्ने व्यवस्था मिलाउन माग गर्दै राष्ट्रिय प्रजातन्त्र पार्टीको प्रवास विभागले प्रमुख निर्वाचन आयुक्तलाई ज्ञापनपत्र बुझाएको छ ।

बिहीबार प्रवास विभाग प्रमुख विजय खड्काको नेतृत्वमा निर्वाचन आयोग पुगेको प्रतिनिधीमण्डलले प्रमुख निर्वाचन आयुक्त अयोधीप्रसाद यादवलाई ज्ञापनपत्र बुझाएको हो ।

ज्ञापनपत्र बुझ्दै प्रमुख आयुक्त यादवले विदेशमा रहेका लाखौँ नेपालीलाई मतदानमा संलग्न गराउन निर्वाचन आयोग अत्यन्तै सकारात्मक रहेको र नेपाल सरकारले आवश्यक कानुन निर्माण गरेपछि आयोगले आफ्नो तर्फबाट काम थाल्ने बताए ।

प्रवासमा रहेका नेपालीलाई मतदानमा सहभागी गराउनुपर्छ भनेर निर्वाचन आयोगमा ज्ञापनपत्र बुझाउने पहिलो पार्टी राप्रपा भएकोमा प्रतिनिधिमण्डललाई धन्यवाद दिँदै प्रमुख आयु्क्त यादवले यससम्बन्धी कानुनको निर्माण गर्न राज्य समिति तथा नेपाल सरकारलाई अग्रह गर्ने बताए । 



यो पनि नछुटाउनुहोस्