काठमाडौं– चीनको सान्या शहरमा जारी मिस वल्र्ड–२०१८ मा नेपालको प्रतिनिधित्व गर्दै सहभागी भएकी मिस नेपाल–२०१८ श्रृङखला खतिवडा सेमिफाइनलमा पुगेकी छन् । १ सय २१ देशका सुन्दरी सहभागी भएको प्रतियोगितामा श्रृङखला उत्कृष्ट ३० मा पुगेकी हुन् । 

टप मोडेल विधा अन्तर्गत उनी सेमिफाइनलमा पुगेकी हुन् । उनले बिहीबार साँझ फेसबुकमार्फत आफू सेमिफाइनलमा पुगेको बताइन् । 
मिस वल्र्डमा भाग लिन श्रृङखला नौ दिनअघि चीन गएकी हुन् । 

यसपटकको मिस वल्र्ड प्रतियोगितामा श्रृङखला एसियाबाट सबैभन्दा प्रभावशाली देखिएकी छन् । डिसेम्बर ८ मा चीनको सान्या सहरमा मिस वल्र्ड २०१८ को अन्तिम प्रतिस्पर्धा हुँदै छ । 

मिस वल्र्डको काउन्ट डाउन सुरु भइसकेको छ ।