दाङमा जिप दुर्घटना हुँदा तीनजनाको मृत्यु भएको छ । तुलसीपुरबाट सल्यानको कपुरकोट जाँदै गरेको जिप दुर्घटनामा १४ जना घाइते भएका छन् । 

तुलसीपुरबाट सल्यान कपुरकोट जाँदै गरेको रा१ ज४३८ नम्बरको जिप आइतबार अपराह्न तुलसीपुर उपमहानगरपालिका–३ सिरखोलामा पल्टिएको थियो ।

इलाका प्रहरी कार्यालय तुलसीपुरका अनुसार दुईजनाको घटनास्थलमा र एकजनाको प्रादेशिक अस्पताल तुलसीपुरमा उपचारका क्रममा मृत्यु भएको हो । 

मृत्यु हुनेको सनाखत हुन सकेको छैन । थप विवरण संकलन भइरहेको इलाका प्रहरी कार्यालय तुलसीपुरले जनाएको छ । 
 ।

घाइतेमध्ये केहीको राप्ती प्रादेशिक अस्पताल तुलसीपुरमा उपचार भइरहेको छ र भने केहीलाई नेपालगन्ज रिफर गरिएको प्रहरीले जनाएको छ ।