सहिद स्मारक ‘ए’ डिभिजन लिगमा  सोमबार दुई खेलहरू हुँदैछ । त्रिपुरेश्वरस्थित दशरथ रंगशालामा हुने पहिलो खेलमा संकटा क्लबले  नेपाल पुलिस क्लबको सामना गर्नेछ  । यो  खेल दिउँसो १ बजे सुरु हुनेछ ।

संकटा आज दोस्रो जित निकाल्ने योजनासहित मैदान उत्रनेछ ।  ३ खेलमा ५ अंक जोडेर छैटौं स्थानमा रहेको संकटा  पुलिसलाई हराएर शीर्ष तीनमा उक्लन चाहन्छ ।

दोस्रो जितको खोजीमा रहेको पुलिस ५ अंक जोडेर सातौं स्थानमा  छ । संकटालाई हराएर पुलिस पनि शीर्ष तीनमा उक्लने प्रयासमा हुनेछ ।

दोस्रो खेलमा जावलाखेल युथ क्लब र ब्रिगेड ब्वाइज क्लबबीच प्रतिस्पर्धा हुनेछ । यो खेल साँझ पौने पाँच  बजे सुरु हुनेछ । अघिल्ला तीनै खेल गुमाएर अंक तालिकाको पुछारमा रहेको जावलाखेल पहिलो जितको खोजीमा छ ।

दोस्रो जितको खोजीमा रहेको ब्रिगेड ४ अंक जोडेर नवौं स्थानमा छ । ब्रिगेड जावलाखेललाई हराएर अंक तालिका सुधार गर्न चाहन्छ ।