नेकपा (माओवादी केन्द्र)का अध्यक्ष पुष्पकमल दाहाल (प्रचण्ड)ले नेपाल क्रिकेट संघ (क्यान)ले खेलाडीमाथि गरेको कारबाहीको विषयमा प्रधानमन्त्री तथा नेपाली कांग्रेसका सभापति शेरबहादुर देउवालाई ध्यानाकर्षण गराएका छन् ।
नेपाली कांग्रेसको १४औं महाधिवेशनबाट दोस्रो कार्यकालका लागि निर्वाचित भएपछि देउवालाई बधाई तथा शुभकामना दिन शुक्रबार प्रधामन्त्री निवास बालुवाटर पुगेका प्रचण्डले उनलाई खेलाडीको कारबाहीको विषयमा ध्यानकर्षण गराएका हुन् ।
क्यानको मंसिर २९ गते बसेको बोर्ड बैठकले कप्तान ज्ञानेन्द्र मल्ल र उपकप्तान दिपेन्द्रसिंह ऐरीलाई पदबाट हटाउदै सन्दीप लामिछानेलाई नयाँ कप्तान बनाउने निर्णय गरेको थियो ।
त्यस्तै क्यानले मिडियामा आफूविरुद्ध बोलेको भन्दै ज्ञानेन्द्र र दिपेन्द्रसहित सोमपाल कामी र कमलसिंह ऐरीलाई सन् २०२२ को सेन्ट्रल कन्ट्रायकबाट ६ महिनाबाहिर राख्ने निर्णय पनि गरेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
