नेपाली कांग्रेसको खस/आर्यतर्फको सहमहामन्त्रीमा किशोरसिंह राठौर निर्वाचित भएका छन् । राठौरले २ हजार ५७६ मत लाएर सहमहामन्त्री निर्वाचित भएका हुन् । उनी कांग्रेस सभापति शेरबहादुर देउवा समूहका हुन् ।

उनले सहमहामन्त्रीका अर्का प्रतिद्वन्द्वी देवराज चालिसेलाई हराएका हुन् । चालिसेले २०५९ मत पाए । उनी शेखर कोइराला समूहका हुन् । कोइराला सभापतिमा देउवासँग पराजित भएका हुन् ।

कांग्रेसको १४ महाधिवेशनअन्तर्गत नयाँ नेतृत्वका लागि सोमबार निर्वाचन भएको थियो । अहिलेसम्म सभापति, उपसभापति र महामन्त्रीको मतगणना सकिएको छ ।  

सहमहामन्त्रीको भने मत गणना जारी छ । कांग्रेसका ८ सहमहामन्त्रीमध्ये पाँच वटा क्लस्टरको मत परिणाम आइसकेको छ भने तीन वटाको आउने क्रममा रहेको छ ।