कतारमा भएको फिफा अरब कपको उपाधि अल्जेरियाले जितेको छ । फाइनलमा छिमेकी मुलुक ट्युनिसियालाई २–० गोलले पाखा लगाउँदै अल्जेरियाले उपाधि जितेको हो । 

गएराति भएको फाइनल खेलमा अतिरिक्त समयमा २ गोल गर्दै अल्जेरियाले उपाधि हात पारेको हो ।

अलखोरस्थित अलबायत स्टेडियममा भएको खेलमा अतिरिक्त समयको नवौं मिनेटमा अमिर साउद र यासिन ब्राहिमीले अन्तिम मिनेट बाँकी रहँदा गोल गर्दै अल्जेरियालाई उपाधि दिलाए ।

२०१९ को अफ्रिका कप अफ नेसन्सको उपाधि जितेको अल्जेरियाको लागि अरब कप उपाधि २ वर्षभित्र दोस्रो ठूलो उपाधि जित्न सफल भयो । 

उपाधि घरमै राख्ने लक्षसहित मैदान उत्रेको कतार भने तेस्रो स्थानमा चित्त बुझाउन बाध्य भयो ।