नेपाली कांग्रेसको खुला केन्द्रीय सदस्यका लागि भएको निर्वाचनको परिणाम निर्वाचन समितिले सार्वजनिक गरिसकेको छ ।

कांग्रेसको खुला केन्द्रीय सदस्यमा सभापतिमा निर्वाचित शेरबहादुर देउवा पक्षबाट उम्मेदवारी दिएका ९ जना पराजित भएका छन् ।

खुला केन्द्रीय सदस्यमा देउवा समूहबाट पूर्वमहामन्त्री शशांक कोइरालासहित ३५ जना आधिकारिक उम्मेदवार थिए ।

हरिप्रसाद नेपाल (१३८४), मंगलप्रसाद थारु (१५१७), शम्भुलाल श्रेष्ठ (१४२०), विरेन्द्रकुमार कनौडिया (१५१९), नरेशबहादुर सिंह (१२३९), शारदा पौडेल (३५८), सुधिरकुमार शिवाकोटी (१२२९), रत्नबहादुर कार्की (१३९८), गंगाधर तिवारी (१२२८) र जनकराज गिरी (१४१९) पराजित भएका हुन् । यी सबै उम्मेदवारको नाम देउवा समूहले बाँडेको प्यानलको सूचीमा उल्लेख थियो ।