उत्तरी म्यानमारको एक खानीमा पहिरो जाँदा कम्तिमा ७० जना मजदुर बेपत्ता भएका छन् । 

कचिन राज्यको हपाकान्त क्षेत्रमा स्थानिय समय अनुसार बुधबार विहान ४ बजे उक्त पहिरो गएको थियो । 

घटनास्थलमा उद्धार कार्य जारी रहेको बताइएको छ । बेपत्ता हुने अधिकांश अवैध मजदुर रहेको जनाइको छ । 

हपाकान्त क्षेत्रमा खानी सञ्चालन प्रतिबन्ध लगाइएको भए पनि स्थानीयले रोजगारको अभाव र कोरोनाले आर्थिक अवस्था नाजुक भएको जनाउँदै खानी सञ्चालनमा ल्याएका थिए । 

केही दिनअघि मात्र सोही क्षेत्रमा रहेको अर्को एक खानीमा पहिरो जाँदा १० जना मजदुर बेपत्ता भएका थिए । सन् २०२० मा हपाकान्तमा भएको एक दुर्घटनामा १६० जनाभन्दा बढीको मृत्यु भएको थियो ।