नेकपा माओवादी केन्द्रका अध्यक्ष पुष्पकमल दाहाल प्रचण्डले आउने निर्वाचनले कुन पार्टीको हालत के हुने भन्ने देखाउने बताएका छन् ।
शुक्रबार राजधानी काठमाडौंमा आयोजित पार्टी एकीकरण कार्यक्रममा नेकपा एमालेका अध्यक्ष केपी शर्मा ओलीलाई लक्षित गर्दै प्रचण्डले यस्तो बताएका हुन् । प्रचण्डले अहिले जसले धाक धम्की दिए पनि चुनावले वास्तविकता देखाउने बताएका छन् ।
यतिमात्र होइन, प्रचण्डले अहिले ओली गाउँ गाउँमा शिला खोज्न निस्किएको पनि बताएका छन् ।
यसअघि ओलीले पर्सामा माओवादी केन्द्रबाट अध्यक्ष जितेका जालिम मियाँलाई एमालेमा प्रवेश गराउँदै माओवादी अब जति खोजे पनि नपाइने बताएका थिए ।
प्रचण्डले ओलीलाई पनि प्रतिगामी शक्ति भनेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
