काठमाडौं– शुक्रबारदेखि सोमबारसम्म काठमाडौंमा हुने एसिया प्यासिफिक समिटका क्रममा भोलिदखि आइतबारसम्म यातायाताका साधनमा जोरबिजोर प्रणाली लागू हुने भएको छ । 

महानगरीय ट्राफिक प्रहरी महाहाखाका अनुसार मंसिर १३ गते (बिहीबार) देखि १६ गते (आइतबार) सम्म जोरबिजोर प्रणाली लागू हुनेछ । महाशाखाका अनुसार बिहीबार र शनिबार उपत्यकामा बिजोर नम्बर प्लेटका यातायाता साधन मात्र चल्न पाउनेछन् । त्यसैगरी, शुक्रबार र आइतबार जोर नम्बरका साधन सडकमा गुड्न पाउनेछन् । 

महानगरीय ट्राफिक महाशाखाका अनुसार अत्यावश्यक सेवा र शैक्षिक संस्थाका सवारी साधनमा भने जोरबिजोर प्रणाली लागू हुनेछैन ।