सर्वोच्च अदालतले पर्यटन बोर्डका सिइओ धनन्जय रेग्मीलाई निलम्बन नगर्न अल्पकालीन अन्तरिम आदेश दिएको छ । विदेशबाट आउँदा मदिरा ल्याएको विषयमा छानबिनका लागि बोर्डले रेग्मीलाई निलम्बन गरेको थियो । 

त्रिभुवन विमानस्थलका कर्मचारीसँग झगडा गरेको विषयमा नेपाल पर्यटन बोर्डले सिइओ रेग्मीमाथि छानबिन गर्न उपाध्यक्ष चन्द्र रिजालको संयोजकत्वमा छानबिन समिति गठन गरेको थियो । बोर्डको ऐनअनुसार छानबिन समिति गठनसँगै रेग्मी स्वतः निलम्बन भएका थिए ।

सर्वोच्चका न्यायाधीश दीपककुमार कार्कीको एकल इजलासले बुधबार अल्पकालीन अन्तरिम आदेश दिएको हो ।

रेग्मीले दायर गरेको रिटमाथि सुनुवाइ गर्दै सर्वोच्चले दुवै पक्षलाई माघ ३ गते छलफलका लागि बोलाएको छ ।