महात्मा गान्धीलाई गाली गर्ने कालीचरण महाराज पक्राउ परेका छन् । कालीचरणलाई भारतको रायपुर प्रहरीले पक्राउ गरेको हो ।

कालीचरणले रायपुरको धर्म संसदमा गान्धीलाई गाली गरेका थिए ।

रायपुरका एसपी प्रशान्त अग्रवालका अनुसार बागेश्वर धाम नजिक एक व्यक्तिको घरबाट उनलाई पक्राउ गरिएको हो । कालीचरणले नजिकै एक लज पनि बुक गरेका थिए।

प्रारम्भिक अनुसन्धानपछि प्रहरीले कालीचरणको खिलाफ राजद्रोहको कानुन पनि लगाएको छ । उनलाई अब रायपुरको स्थानीय अदालतमा पेस गरिनेछ ।

रायपुर धर्म संसदको एक भिडियो भाइरल भएको थियो । जसमा कालीचरणले गान्धीको बारेमा अभद्र शब्द प्रयोग गरी नाथुराम गोड्सेको प्रशंसा गरेका थिए।

प्रहरीले रायपुर निगमका प्रवक्ता तथा कांग्रेस नेता प्रमोद दुबेको उजुरीमा कालीचरणलाई पक्राउ गरेको हो ।