स्वास्थ्य तथा जनसङ्ख्यामन्त्री विरोध खतिवडाले गुरुङ समुदायकाे पर्व ‘तमु ल्होसार’काे अवसरमा स्वदेश तथा विदेशमा रहेका सम्पूर्ण नेपालीको सुस्वास्थ्य, सुख, शान्ति, समृद्धि एवं उत्तरोत्तर प्रगतिको शुभकामना व्यक्त गरेका छन् ।
मन्त्री खतिवडाले यस पर्वले तमु जातिलगायत सम्पूर्ण नेपालीमा हार्दिकता, सहिष्णुता, सद्भाव र सम्मान कायम गर्ने विश्वास व्यक्त गरेका छन् ।
‘हाम्रो देशमा समुदाय तथा स्थान विशेषअनुसार फरक-फरक भाषा, धर्म, संस्कृति, वेषभूषा रहेका छन्, जुन हाम्रो गहना हो, यस्ता विविध खालका परम्परा र संस्कृतिको संरक्षण र प्रवर्द्धन गर्नु राज्यको कर्तव्य हो’, मन्त्री खतिवडाले आज जारी गरेको विज्ञप्तिमा भनिएकाे छ ।
विविध रङका फूलको साझा फूलबारीका रुपमा रहेको मुलुकमा बहुजातीय, बहुभाषिक, बहुधार्मिक र बहुसांस्कृतिक विशेषता भएकाले एक अर्काको धर्म, संस्कृति, परम्परा र रीतिरिवाजप्रति उच्च सम्मान गर्नुपर्ने मन्त्री खतिवडाले आग्रह गरेका छन् ।
यसैगरी मन्त्री खतिवडाले काेराेनालाई मध्यनजर गरी चाडपर्व मनाउन अनुराेध गरेका छन् ।
हरेक साल पुस १५ मा याे चाड मनाइने गरिन्छ । गुरुङ समुदायमा पुरानाे वर्षलाई बिदाइ गरी नयाँ वर्षलाई स्वागत गर्ने हेतु याे पर्व मनाउने चलन रहेकाे छ ।
‘ल्हो’ को अर्थ वर्ष र ‘सार’ को अर्थ फेरिनुभएकाले वर्ष फेरिने दिनलाई ‘तमु ल्होसार’ भनिएको हो । तमु ल्होसारलाई गुरुङ समुदायले नयाँ वर्षका रूपमा मनाउँछन्
तमु ल्होसारकाे अवसरमा आज सरकारले देशभर सार्वजनिक बिदा दिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।