दक्षिण अफ्रिकाका पूर्वकप्तान क्विनटन डी ककले टेस्ट क्रिकेटबाट सन्यास घोषणा गरेका छन् ।
२९ वर्षीय विकेटकिपर ब्याट्सम्यान डी ककले परिवारलाई थप समय दिने भन्दै टेस्टबाट सन्यास लिएको दक्षिण अफ्रिका क्रिकेटले जनाएको छ ।
डी ककले घरेलुभुमिमा भइरहेको टेस्ट सिरिजको पहिलो खेलमा भारतसँग ११३ रनले पराजित भएपछि टेस्टबाट सन्यास लिने निर्णय गरेका हुन् ।
२०१४ मा अष्ट्रेलियाविरुद्धको खेलबाट टेस्ट क्रिकेटमा डेब्यु गरेका डी ककले दक्षिण अफ्रिकाका लागि ५४ टेस्टमा ६ शतक र २२ अर्धशतकसहित ३ हजार ३०० रन बनाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
