काठमाडौंमा जारी नेकपा माओवादीको आठौं महाधिवेशनअन्तर्गत आज नेतृत्व चयन हुने भएको छ।

बिहान ११ बजेदेखि सुरु भएको बन्दसत्रबाट विधान मस्यौदा पारित गरेपछि नेतृत्व चयनको प्रक्रिया सुरु हुने छ । 

विधान मस्यौदामा उठेका जिज्ञासाको जवाफ माओवादी नेता देव गुरुङले दिनेछन् । जवाफपछि मस्यौदा पारित गर्ने कार्यसूची रहेकोे छ । पारित भएपछि नेतृत्व चयनको विषय बन्दसत्रमा प्रवेश पाउने छ । 

माओवादीमा १५ सदस्यीय पदाधिकारी र २९९ सदस्यीय केन्द्रीय समिति चयनको व्यवस्था छ । माओवादी यसपटकदेखि १५ सदस्यीय पदाधिकारीको व्यवस्थामा गएको हो।

अध्यक्षमा पुष्पकमल दाहाल ‘प्रचण्ड’ नै दोहोरिने पक्कापक्की देखिए तापनि महासचिवमा कडा प्रतिस्पर्धा हुने देखिएको छ । महासचिवमा वर्षमान पुन, जनार्दन शर्मा, पम्फा भुसालको दाबेदारी छ ।