नेपाली कांग्रेसका नेता डा. शेखर कोइराला आजको केन्द्रीय समिति बैठकमा उपस्थित भए । उनी यसअघि बसेको पहिलो केन्द्रीय कमिटीको बैठकमा सहभागी भएका थिएनन् ।
आजको बैठकअघि कांग्रेस पदाधिकारीहरूको बैठक बसेको थियो । बैठकले राष्ट्रियसभा निर्वाचनका लागि उम्मेदवारहरूको टुंगो लगाएको छ ।
सभापति शेरबहादुर देउवाले गरेको वरीयता निर्धारणप्रति कोइराला असन्तुष्ट थिए । कोइरालालाई २०औं नम्बरको वरीयतामा देउवाले राखेका थिए । कोइराला पार्टीको केहीदिनअघि सकिएको महाधिवेशनमा सभापतिका प्रतिस्पर्धी थिए ।
उनी आज केन्द्रीय कमिटीको बैठकमा पनि पछिल्लो लाइनमा बसेका थिए । कोइराला देउवाले पार्टीको २०औं वरीयतामा राखेका छन् । देउवाले २०औं वरीयतामा राखेपछि उनी असन्तुष्ट थिए ।
पार्टीमा रामचन्द्र पौडेल लगायतका अन्य नेताहरू मनोनित भएसँगै उनको वरीयता अझै झर्ने भएको छ । देउवाको यो कार्यशैलीसँग कोइराला सन्तुष्ट छैनन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।