नेपाली बजारमा आज पनि सुनको मूल्य घटेको छ । मंगलबार छापावाल सुन ९०० ले घटेर ९२ हजार २०० रुपैयाँ तोकिएको हो ।

नेपाल सुनचाँदी व्यवसायी महासंघका अनुसार तेजाबी सुनको आजको मूल्य प्रतितोला ९१ हजार ७०० रुपैयाँ कायम भएको छ । सोमबार तेजाबी सुन प्रतितोला ९२ हजार ६०० रुपैयाँमा कारोबार भएको थियो । 

त्यस्तै, चाँदीको मूल्य आज १५ रुपैयाँ घटेको छ । मंगलबार चाँदी प्रतितोला एक हजार २५० रुपैयाँमा कारोबार भइरहेको महासंघले जनाएको छ । 

अन्तर्राष्ट्रिय बजारमा आज सुन प्रतिऔंस एक हजार ८०३ डलर आसपास कारोबार भइरहेको छ ।