सहज जित निकाल्दै रियल मड्रिड कोपा डेल रेको अन्तिम १६ मा
फरकधार / २२ पुस, २०७८

कोपा डेल रेअन्तर्गत गएराति भएको खेलमा शीर्ष डिभिजनको रियल रियल मड्रिडले दोस्रो श्रेणीको एल्कोयानोलाई पराजित गर्दै अन्तिम १६ मा स्थान सुरक्षित गरेको छ ।



एल्कोयानोको घरेलु मैदान स्टेडियो एल कोलाओमा रियलले ३-१ को सहज जित हात परेको हो । रियलको जितमा इडर मिलिटाओ र मार्को एसेन्सियोले गोल गर्दा एक गोल उपहार पायो ।

घरेलु टोलीका ड्यानी भेगाले एक गोल फर्काए । खेलको ३९  औं  मिनेटमा  मिलिटाओले गोल गर्दै रियललाई अग्रता  दिलाएका थिए । ६६ औं  मिनेटमा भेगाले खेललाई १-१ को बराबरीमा ल्याए । ७६ औं  मिनेटमा एसेन्सियो गोल गर्दै टोलीलाई २-१ ले अगाडि  बढाए ।



७८ औं  मिनेटमा  जोस जुआन फिगुइरसले आत्मधाती गोल गर्दा रियलले सहज जित हात पार्‍यो । प्रतियोगिताअन्तर्गत बुधबार नै भएको अन्य खेलमा रोयो भालेकानो , स्पान्योल र मार्लोका पनि विजयी हुँदै अन्तिम १६ मा प्रवेश गरेका छन् ।  




  • प्रकाशित मिति : पुस २२, २०७८ बिहीबार ८:४७:१७,   अन्तिम अपडेट : पुस २२, २०७८ बिहीबार ८:५१:३६

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया