सरकारले लुम्बिनी प्रदेशको स्थायी राजधानी निर्माणका १ अर्ब रुपैयाँ उपलब्ध गराउने भएको छ । यसअघि लुम्बिनी प्रदेशले संघीय सरकारसँग ३ अर्ब रुपैयाँ माग गरेको थियो । 

मन्त्रिपरिषद् बैठकले राजधानीमा स्थायी संरचना निर्माणका लागि १ अर्ब रुपैयाँ दिने निर्णय गरेको हो । 
संघले दिने रकम गुरुयोजना, भौतिक संरचना निर्माण र जग्गा अधिग्रहणमा खर्च हुनेछ । 

लुम्बिनी प्रदेशको स्थायी राजधानी बुटवलमा छ । प्रदेशले दाङको भालुवाङमा प्रदेशको स्थायी राजधानी बनाउने निर्णय पारित गरेको छ । त्यसका लागि गुरुयोजनाको खाका पनि तयार भएको छ ।

भालुबाङ–लमही खण्डको ५०० मिटरबाहिरको क्षेत्रलाई मुख्य प्रशासनिक क्षेत्र, मुख्यमन्त्री तथा मन्त्रिपरिषद् कार्यालय, मन्त्रालय र भिआइपीको आवास रहने क्षेत्र गुरुयोजनामा प्रस्ताव गरिएको छ ।