हुम्लामा शुक्रबार बेलुकादेखि लगातार हिमपात
फरकधार / २५ पुस, २०७८
फाइल तस्बिर

हुम्लामा शुक्रबार बेलुकादेखि लगातार हिमपात भएको छ । सदरमुकाम सिमकोटमै एक फिटभन्दा बढी हिउँले जमेको छ । लगातारको हिमपातले स्थानीयवासीलाई घरबाट बाहिर निस्कन समस्या भएको छ । 



यहाँको तापक्रम माइनस १२ भन्दा तल झरेपछि जाडो पनि अत्यधिक बढेको छ । हिमपातले नाम्खा गाउँपालिकाको मलिमी, मुचुलगायतका क्षेत्रमा चार फिट हिउँ जमेको तुमकोटका स्थानीयवासी छपाल लामाले जानकारी दिए । ‘यस वर्षकै ठूलो हिमपात भयो, घरभन्दा बाहिर निस्कन सकिएको छैन । चिसोले खानेपानीका धारा तथा खोलाका पानी समेत जमेका छन् ।’

निरन्तर हिउँसँगैको अत्यधिक चिसोले सिमकोट आसपासको जनजीवन प्रभावित बनाएको सहायक प्रमख जिल्ला अधिकारी दशरथ राईले जानकारी दिए । 



  • प्रकाशित मिति : पुस २५, २०७८ आइतबार ७:३:२,  

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया