काठमाडौको बिजुलीबजारमा गएराती टिपरको ठक्करबाट एक जनाको मृत्यु भएको छ । मृत्यु हुनेमा भक्तपुरको व्यासीमा बस्दै आएका कालिकोटको पचालझरना गाउँपालिका–२ का २२ वर्षीय विपिन वि.क. रहेका छन् । 

गम्भीर घाइते भएका उनको उपचारको क्रममा मिनभवन स्थित सिभिल अस्पतालमा रातीनै मृत्यु भएको प्रहरीले जनाएको छ । 

विपिन बिजुलीबजारमा रहेको मायालु रोधी घरमा साथीहरुसँग मदिरा पिएर झगडा गरी भाग्ने क्रममा, अचानक सडकमा निस्कँदा उक्त घटना भएको महानगरीय प्रहरी वृत नयाँबानेश्वरको जनाएको छ । 

गएराती पौने ११ बजे भएको सवारी दुर्घटना लगतै टिपर सहित फरार भएका चालकको खोजी भइरहेको छ ।