शिक्षा, विज्ञान तथा प्रविधिमन्त्री देवेन्द्र पौडेललाई कोरोना संक्रमण पुष्टि भएको छ । सोमबार बिहान पिसिआर परीक्षण गराउँदा उनमा संक्रमण पुष्टि भएको प्रेस संयोजक विमल खड्काले जानकारी दिए ।
रुघा र सामान्य खोकी लागे पनि मन्त्री पौडेलेको स्वास्थ्य अवस्था अहिले सामान्य रहेको छ । उनी होम आइसोलेसनमा रहेको खड्काले बताए ।
मन्त्री पौडेलले आफ्नो सम्पर्कमा रहेका सबैजनाले सजगता अपनाउँदै केही दिन एकान्तवास बसेर कोरोना परीक्षण गराउन पनि सुझाब दिएका छन् ।
संक्रमण भएसँगै मन्त्रीको पूर्वनिर्धारित र दैनिक भेटघाटको कार्यक्रम पनि केही समयका लागि स्थगित गरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।