नेकपा एमालेका नेता तथा पूर्वस्वास्थ्यमन्त्री भानुभक्त ढकाललाई कोरोना भाइरसको संक्रमण पुष्टि भएको छ ।

एमाले स्थायी कमिटी सदस्य एवं जनसंगठन समन्वय संयन्त्रका प्रमुखसमेत रहेका ढकाललाई कोरोना संक्रमण पुष्टि भएपछि होम आइसोलेसनमा बसेका छन् । उनले सामाजिक सञ्‍जालमा लेखेका छन्, 'आज गरिएको परीक्षणबाट मलाई कोभिड १९ पोजिटिभ देखिएको छ । केही दिन घरमा नै आराम गर्नु पर्ने भयो ।'

एमालेका उपाध्यक्ष विष्णु पौडेललाई पनि कोरोना संक्रमण पुष्टि भएको छ । पौडेलले शनिबार कोरोना परीक्षण गर्दा कोरोना संक्रमण पुष्टि भएको जानकारी दिएका छन् । 

उनले स्वास्थ्य अवस्था सामान्य रहेको र होम आइसोलेसनमा रहेको बताए । एमाले नेताहरू जिल्ला अधिवेशनमा सक्रिय रहेका शीर्ष नेतालाई कोरोना संक्रमण भएको हो ।