शुक्रराज ट्रपिकल तथा सरुवा रोग अस्पतालमा कोरोना भाइरसविरुद्धको खोप कार्यक्रम स्थगित भएको छ । अस्पतालका ५० बढी चिकित्सक, स्वास्थ्यकर्मी तथा कर्मचारी संक्रमित भएपछि खोप कार्यक्रम स्थगित गरिएको हो ।

अस्पतालले आज विज्ञप्ति जारी गर्दै सोमबारदेखि एक साताका लागि खोप अभियान स्थगित भएको जनाएको छ । अस्पतालले कोरोनाविरुद्धको पहिलो र दोस्रोका साथै बुस्टर डोज खोप कार्यक्रम सञ्चालन गरिरहेको थियो ।