भारत– चार दिनअघि अमेरिकी गायक निक जोनससँग बिहे गरेकी बलिउड स्टार प्रियंका चोपडाले आफ्नो वेडिङ ड्रेसबारे इन्स्टाग्राममा एक भिडियो पोस्ट गरेकी छिन् ।
राल्फ लरेनले डिजाइन गरेको सेतो भेल ७५ फिट लामो थियो । यसमा २० लाखभन्ला बढी मोतीका लहरजस्ता अनुक्रमहरु गाँसिएका थिए । यो क्रिस्चियन संस्कारको विवाहमा लगाइने ड्रेस हो ।
भेल यति ठूलो थियो कि, यसलाई सम्हाल्न एउटा टिम नै लागिपरेको थियो ।
यो भेल प्रियंकाले शनिबार जोधापुरको उमेद भवनको चौरमा आयोजित समारोहमा पहिरिएकी थिइन् । समारोह जोनका पिता पास्टर केभिन जोनसले सञ्चालन गरेका थिए ।
पिपुल म्यागजिनसँग कुरा गर्दै प्रियंकाले आफ्नो विवाह एक ‘रिलिजियस म्यासप’ भएको बताइन् ।
प्रियंकाको तीन दिने विवाह हिन्दु र क्रिस्चियन दुवै परम्परामा सम्पन्न भयो । शनिबार क्रिस्चियन परम्पराअन्तर्गत बिहे गरेका निक र प्रियंकाले आइतबार हिन्दु परम्परा बिहे गरे ।
सामाजिक सञ्जालमा प्रियंकाको वेडिङ ड्रेसबारे चर्चा चुलिएको छ । उनको भेललाई लिएर लिएर थुप्रै ट्रोलसमेत बनेका छन् ।
पछिल्ला वर्ष हलिउडमा जम्न थालेकी प्रियंका र हलिउड गायक निक सेप्टेम्बरदेखि प्रेममा थिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
