रुसले अमेरिकाले ८ हजार ५ सय सैनिकलाई उच्च सतर्क अवस्थामा राख्ने निर्णय चिन्ताको विषय भएको बताएको छ । 

युक्रेनमाथि रुसी आक्रमणको सम्भावना रहेको भन्दै अमेरिकाले ८ हजार ५ सय सैनिकलाई तयारी अवस्थामा राखेको जनाएपछि मंगलबार क्रेमलिनको यस्तो प्रतिक्रिया आएको हो । 

क्रेमलिनका प्रवक्ता दिमित्री पेसकोवले युक्रेन संकटलाई रुसले नभई अमेरिका र नेटोले बढाइरहेकोप्रति फेरि एकपटक जोड दिए । 

यसअघि नेटोले सुरक्षा बललाई तयारी अवस्थामा रा​खेको र पूर्वी युरोपतर्फ जहाज र लडाकु विमान पठाउन लागेको जनाएको थियो । जसको रुसले कडा निन्दा गरेको थियो । 

अमेरिका र युरोपका केही देशले रुसले युक्रेनको सीमामा करिब १ लाख सैनिक परिचालन गरेपछि त्यसमाथि प्रश्न उठाइरहेका छन् ।