काठमाडौं– परराष्ट्र मन्त्रालयले अस्ट्रेलियाका लागि नेपाली राजदूत लक्की शेर्पालाई उनीमाथि लागेका आरोपबारे सोधपुछका लागि बोलाएपछि उनी आज नेपाल फर्किंदै छिन् ।
राजदूत शेर्पामाथि मानव तस्करीको आरोप लागेको छ । उनका चालक वाङचु शेर्पाले राजदूत शेर्पाले पैसा लिएर आफूलाई अस्ट्रेलिया लगेको आरोप लगाएका छन् । त्यसपछि विवादित बनेकी शेर्पालाई परराष्ट्र मन्त्रालयले सोधपुछका लागि नेपाल बोलाएको हो ।
आरोपी वाङचुले मोटो रकम असुलेर राजदूत शेर्पाले आफू र श्रीमतीलाई अस्ट्रेलिया ल्याएको खबर नेपाली सञ्चारमाध्यममा आएपछि यो विषय अझ चर्किएको थियो ।
यता, राजदूतावासले भने वाङचुले राजदूतावासमा रहेको बहुमूल्य गरगहना चोरी गरेको आरोप लगाएको छ । त्यसबाट बच्न उनले राजदूतमाथि अाराेप लगाएकाे दूतावासले बताएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
