नेपाली चलचित्र ‘म यस्तो गीत गाउँछु–२’ आजबाट सिनेमा हलमा लाग्दैछ । चलचित्रमा पल शाह र पूजा शर्माको मुख्य भूमिका छ । 

सुदर्शन थापाको निर्देशन रहेको ‘म यस्तो गीत गाउँछु–२’ को कोरोना संक्रमण सुरु हुनुपूर्व नै निर्माण कार्य सकिएको थियो । तर, सिनेमा हल खुलेपछि निर्माण सकिएको दुई वर्षपछि चलचित्र रिलिज भएको हो ।

चलचित्रका मुख्य पात्र पल भने अहिले कानुनी समस्यामा फसेका छन् । एक गायिकाले जबरजस्ती करणी  मुद्दा प्रहरीमा दर्ता गरेपछि पल कानुनी झमेलामा फसेका हुन् । जसकारण उनले चलचित्रको प्रचार पनि गर्न पाएका छैनन् ।

पल अहिले पनि प्रहरीको फरार सूचीमा छन् । प्रहरीले उनलाई पक्राउ गर्न टोलीसमेत परिचालन गरिसकेको छ ।