इंग्लिस प्रिमियर लिगमा आज बिहान सम्पन्न खेलमा घरेलु टोली आर्सनल विजयी भएको छ । इमिरेट्स स्टेडियममा एक गोललेपछि परेको अवस्थालाई उल्टाउँदै आर्सनलले उल्भ्समाथि २–१ को रोमाञ्चक जित हात पारेको हो ।

खेलको १० औं  मिनेट ह्वाङ हे-चानले गोल गर्दै पाहुना टोलीलाई सुरुआती अग्रता दिलाए । ८२ औं  मिनेटमा निकोलस पेपेले आर्सनललाई १–१ को बराबरीमा ल्याए । थप गरिएको समयमा जोसे साले आत्मघाती गोल गरेपछि  घरेलु टोलीले २–१ को रोमाञ्चक जित दर्ता गर्‍यो ।

जितसँगै आर्सनल २४ खेलमा ४५ अंक जोडेर पाँचौं स्थानमा उक्लँदा पराजित उल्भ्स २५ खेलबाट  ४० अंकका साथ सातौं स्थानमा छ ।