नेकपा एमालेका पूर्व नेता एवं पार्टी एकता राष्ट्रिय अभियानका संयोजक वामदेव गौतम र माओवादी केन्द्रका अध्यक्ष पुष्पकमल दाहालबीच भेटवार्ता भएको छ ।

गौतम अध्यक्ष दाहाललाई भेट्न शुक्रबार बेलुका उनको निवास खुमलटार पुगेका हुन् ।

दुई नेताबीच राष्ट्रिय राजनीतिमा देखिएको विषयमा छलफल भएको दाहालको सचिवालयले जनाएको छ ।

दाहालका प्रेस सल्लाहकार रमेश मल्लले गौतम र प्रचण्डको भेटेको फोटो सार्वजनिक गर्दै लेखेका छन्, 'दुई नेताबीचको सौहार्दपूर्ण भेटघाट । राष्ट्रिय राजनीतिमा देखिएको संकटका बारेमा गम्भीर वार्तालाप ।'

अमेरिकी सहायता परियोजना एमसिसी संसद्मा पेस भएपछि उब्लिएको राजनीतिक तरंगकाबीच दुई नेताबीच भेटवार्ता भएको हो ।