Thu, 19 Sep, 2019


पुँजीबजारमा भएको हलचलप्रति राप्रपाकाे गम्भीर ध्यानाकर्षण
सरकारको गलत नीतिका कारण सर्वसाधारणको ठूलो लगानी जोखिममा पर्न सक्ने खतरा
फरकधार / मंसिर २७, २०७५

काठमाडौं– राष्ट्रिय प्रजातन्त पार्टी (राप्रपा) ले केही समययता पुँजीबजारमा भएको हलचलप्रति गम्भीर ध्यानाकर्षण भएको जनाएको छ । 



पार्टीले सेयर लगानीकर्ताको जारी दबाब र अनशनप्रति ऐक्यबद्धतासमेत जाहेर गरेको छ । 

सरकारको गलत नीतिका कारण पुँजीबजारमा हलचल आएको र यसले सर्वसाधारणको ठूलो लगानी जोखिममा पर्न सक्ने खतरा देखिएको भन्दै राप्रपाले चिन्ता व्यक्त गरेको छ । 

बिहीबार प्रेस नोट जारी गर्दै पार्टीले आफ्नो लगानी सुरक्षित राख्न सेयर लगानीकर्ताहरु संगठित भई दबाब दिनुपर्ने र अनशनसमेत बस्नुपर्ने अवस्थाको सिर्जना हुनु अर्थतन्त्रको शुभ सूचक नभएको उल्लेख गरेको छ । 

पुँजीबजारको अवस्थालाई सामान्य पार्दै सर्वसाधारण र सेयर लगानीकर्ताको हित र अधिकारप्रति समयमै गम्भीर बन्न तथा समस्याको समाधानका लागि आवश्यक पहलकदमी लिन उसले सरकारसँग माग गरेको छ । 


यस विषयसँग सम्बन्धित समाचार

यो सामाग्री सेयर गर्नुहोस्


यो पनि नछुटाउनुहोस्