६८ दिनपछि बस्ने निर्णय भएको बागमती प्रदेशसभाको बैठक पुनः अनिश्चितकालका लागि स्थगन भएको छ ।
भोलि फागुन १६ गते सोमबारका लागि तय गरिएको बैठक विशेष कारणले स्थगन भएको प्रदेशसभा सचिवालयका सचिव कृष्णहरि खड्काले जानकारी दिए ।
यसैगरी, आज आइतबार दिउँसो १ बजेका लागि तय भएको कार्यव्यवस्था परामर्श समितिको बैठक पनि स्थगन भएको उनले बताए ।
‘बैठक विषेश कारणले रोकिएको हो । अब कहिले बैठक बस्ने भन्ने निश्चित भएको छैन’, सचिव खड्काले भने ।
प्रदेश सभा सचिवालय सचिव खड्काको अनुसार के कारणले बैठक रोकियो भन्ने विषय तत्काल नखुलाउने देखिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
