अभिनेता पल शाहले जिल्ला प्रहरी कार्यालय तनहुँमा आत्मसमर्पण गरेका छन् । एसपी राजेन्द्रबाबु रेग्मीका अनुसार उनले आज मध्यान्ह आत्मसमर्पण गरेका हुन् । 

पलविरुद्ध गत बुधबार नाबालिगलाई बलात्कार गरेको जाहेरी परेको थियो । उनले आज बिहान पारिवारिक, आफू अस्वस्थ हुँदा समयमै प्रहरीकहाँ उपस्थित हुन नसकेको जनाएका थिए ।  

१७ वर्षीया किशोरीलाई प्रेमको बहानामा बलात्कार गरेको भन्दै पीडितका बुबाले पलविरुद्ध प्रहरीमा जाहेरी दिएका थिए । पलले भने योजनाबद्ध रूपमा आफूलाई फसाइएको बताउँदै आएका छन् ।