कांग्रेसका नेता तथा सांसद डा. मीनेन्द्र रिजालले आमनागरिकमा एमसिसीबारे रहेको भ्रमलाई व्याख्यात्मक घोषणाले हटाएको प्रस्ट पारे ।एमसिसी सम्झौताबारेको व्याख्यात्मक घोषणापछि संसदबाट अनुमोदन गर्ने सवालमा आमसहमति भएको उनले बताए ।
प्रतिनिधिसभामा एमसिसी सम्झौताको व्याख्यात्मक घोषणामाथिको छलफलमा भाग लिँदै उनले व्याख्यात्मक घोषणामा यो सम्झौता तत्काल लागू हुने भनिएको प्रस्ट पारे ।
एमसिसी तत्काल लागू हुनेमा समस्या नरहेको भन्दै उनले गठबन्धनभित्रको फरक मतलाई हटाएर साझा अवधारणा बनाइदिएको चर्चा गरे ।
उनले संसदभित्रै नाराबाजी गरिरहेका विपक्षी सांसदहरुले समेत एमसिसीको विरोध नगरेको भन्दै एमालेलाई धन्यवाद दिए ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
