कर्णाली प्रदेशभर १८ जना बन्दकर्तालाई प्रहरीले नियन्त्रणमा लिएको छ । जबरजस्ती बन्द गराउँदै गरेका सुर्खेतका १३, मुगुका दुई र जुम्लामा तीनजनालाई प्रहरीले नियन्त्रणमा लिएको हो । कर्णाली प्रदेश प्रहरी कार्यालका अनुसार अन्य जिल्लामा भने कुनै अप्रिय घटना भएको ट्छैन । 

सुर्खेत जिल्लामा भने अहिले पनि झडप भइरहेको जिल्ला प्रहरी कार्यालय सुर्खेतले जानकारी दिएको छ । कार्यालयका अनुसार अहिलेसम्म १३ जना नियन्त्रणमा लिइएको छ । सडकमा ढुंगामुढा गर्न थालेपछि बन्दकर्तालाई नियन्त्रणमा लिइएको  जिल्ला प्रहरी कार्यालय सुर्खेतका प्रमुख प्रहरी निरीक्षक पदमबहादुर विष्टले जानकारी दिए ।
 
विष्टका अनुसार बन्दकर्ताको प्रहारबाट दुईजना प्रहरी जवान समेत घाइते भएका छन् । ‘अहिलेसम्म स्थिति नियन्त्रणमा ल्याउन सकिएको छैन,’ उनले भने, ‘सुर्खेत बजारमा अहिले पनि बन्दकर्ता जम्मा हुने र बन्द गराउँदै हिँडिराखेका छन् ।’ सुर्खेतमा अहिलेपनि स्थिति नियन्त्रणमा आएको छैन ।