भारतले युक्रेनमा एक भारतीय विद्यार्थीको मृत्यु भएको पुष्टि गरेको छ । भारतीय विदेश मन्त्रालयका प्रवक्ता अरिन्दम बागचीले सो जानकारी दिएका हुन् ।

उनले ट्विटमा लेखेका छन्– 'गहिरो दुःखका साथ खार्किभमा भएको गोलाबारीमा एक भारतीय विद्यार्थीको मृत्यु भएको पुष्टि गर्दैछौँ ।' 

मन्त्रालयले परिवारका सदस्यहरूसँग सम्पर्कमा रहेको र परिवारप्रति समवेदना प्रकट गरेको उनले बताए ।

अरिन्दम बागचीले ट्वीटमा विदेश सचिवले रूस र युक्रेनका राजदूतहरूसँग कुरा गरिरहेको र भारतीय नागरिकलाई सुरक्षित रूपमा बाहिर निकाल्नुपर्ने भारतको माग दोहोर्‍याइरहेको लेखेका छन् । 

जो खार्किव र अन्य द्वन्द्वग्रस्त क्षेत्रमा अवस्थित छन् । यससँगै युक्रेन र रूसका भारतीय राजदूतहरूले पनि आफ्नो माग दोहोर्‍याइरहेका छन् ।