रुसले युक्रेनका दुई सहरमा अस्थायी युद्धविरामको घोषणा गरेको छ । रुस र युक्रेनबीच जारी युद्धको दशौं दिनमा रुसले युक्रेनी दुई सहरमा अस्थायी युद्धविराम घोषणा गरेको बताएको हो । 

रुसको रक्षा मन्त्रालयले युक्रेनी सहर मारिओपो र भोल्नोभाखाबाट शनिबार मस्को समयअनुसार १० बजेबाट मानवीय सहयोग मार्ग खुल्ने जनाएको हो ।

किभमा रहेको बिबीसीका संवाददाता जेम्स वाटरहाउसले सामाजिक सञ्जालमा एक पोस्ट सेयर गर्दै भनेका छन्, 'रूसी रक्षा मन्त्रालयले रुसी सेनालाई मस्कोको समय १० बजेदेखि शहरहरूमा आक्रमण रोक्न भनेको छ ताकि मानिसहरूलाई मद्दत गर्न मानवीय कोरिडोरहरू खोल्न सकियोस् ।'

रुसी सरकार समर्थित मिडिया स्पुतनिकले पनि युद्धविराम ६ बजे (ग्रीनविच मिन टाइम)देखि लागू हुने जनाएको छ । र, यस अवधिमा सर्वसाधारणलाई मद्दत गर्न मानवीय कोरिडोरहरू खोलिने जानकारी दिएको छ।

#BREAKING | Russia declares ceasefire in Ukraine from 06:00 GMT to open humanitarian corridors for civilianshttps://t.co/9dUl99UrOV pic.twitter.com/zK4gpPbdnb

— Sputnik (@SputnikInt) March 5, 2022