नेकपा (माओवादी केन्द्र)को केन्द्रीय समितिमा अध्यक्ष पुष्पकमल दाहाल प्रचण्डले प्रस्ताव गरेका ९७ मध्ये ५० जनाको नाम मात्रै केन्द्रीय समिति बैठकबाट पारित भएको छ । अस्वीकृत हुनेमा दाहालकी छोरी गंगा दाहाल र ज्वाइँ जीवन आचार्यसमेत छन् । 

माओवादी केन्द्रीय समितिको काठमाडौंमा जारी सोमबारको बैठकमा दाहालले ९७ जनालाई केन्द्रीय समितिमा मनोनीत गर्नुपर्ने प्रस्ताव गरेका थिए । 
केन्द्रीय सदस्यहरूले दाहाल र आचार्यलगायत ४७ जनालाई विनाआधार केन्द्रीय सदस्यमा मनोनीत गर्न खोजेको भन्दै विरोध जनाएपछि ५० जनाको नाम मात्रै पारित भएको हो । 

सोमबारको बैठकले महाधिवेशनमा केन्द्रीय प्रतिनिधि बनेका ३७ जना, ९ जना मधेसी र ४ जना दलित समूहबाट मनोनीत गरेको छ । अब माओवादी केन्द्रीय समिति सदस्य संख्या २ सय ९७ पुगेको छ । पदाधिकारी भने स्थानीय तहको निर्वाचन पछि मात्रै चयन गर्ने बताइएको छ ।