कलाकार पल्पसा डंगोल ‘चम्सुरी’को बुधबार त्रिवि शिक्षण अस्पताल महाराजगञ्जमा मिर्गौला प्रत्यारोपण गरिएको छ । चिकित्सकहरुको टोलीको करिब ५ घण्टाको प्रयासबाट उनको मिर्गौला प्रत्यारोपण सफल भएको हो ।
चिकित्सकको टोलीमा प्राध्यापक डा.दिव्या सिंहको नेतृत्वमा प्रा.डा.उत्तमकुमार श्रेष्ठ, प्रा.डा. प्रेम ज्ञवाली, प्रा.डा. महेशराज सिग्देल, प्रा.डा.पवन बस्याल, प्रा.डा.भोजराज लुइँटेललगायत सहभागी थिए ।
उनलाई नजिकका आफन्त पर्ने अजु डंगोलले मिर्गौला दिएका हुन् । उनको मिर्गौला प्रत्यारोपण सफलतापूर्वक सकिएको कलाकार संघले सामाजिक सञ्जालमार्फत जानकारी दिएको छ ।
‘विगत केही महिनादेखि अभिनेत्री पल्पसाको मिर्गौलाले प्रत्यारोपणका लागि पहल भइरहेको थियो’ रबिन्द्र खड्काले सामाजिक सञ्जालमा लेखेका छन् ‘पल्पसालाई हप्ता दिन आईसियुमा राखिनेछ ।’
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।