काठमाडौं– निर्मला पन्तकी आमा दुर्गादेवी पन्तले निर्मला हत्या प्रकरणको प्रारम्भिक चरणको अनुसन्धानमा खटिएका प्रहरी अधिकारीविरुद्ध किटानी जाहेरी दिएकी छिन् । पन्तले मंगलबार दिउँसो जिल्ला प्रहरी कार्यालय, कञ्चनपुरमा किटानी जाहेरी दर्ता गराएकी हुन् ।
दुर्गादेवीले सार्वजनिक न्यायविरुद्धको कसुरअन्तर्गत तत्कालीन प्रहरी प्रमुख एसपी डिल्लीराज विष्ट, प्रहरी निरीक्षक जगदीश भट्टसहित केन्द्रीय अनुसन्धान ब्युरो (सिआइबी) डिएसपी अंगुर जिसी लगायतविरुद्ध जोहरी दिएकी छिन् । सो जोहरी सम्बन्धमा म छलफल भइरहेको कञ्चनपुर प्रहरीले जनाएको छ ।
निर्मलाकी आमा दुर्गादेवीले प्रारम्भिक अनुसन्धानमा प्रहरी अधिकारीहरुले लापरबाही गरेका कारण हत्यारा पत्ता लाग्न नसकेको आरोप लगाएकी छिन् ।
घटनाको अनुसन्धानमा लापरबाही गरेको आरोपमा कञ्चनपुरका तत्कालीन प्रहरी प्रमुख एसपी डिल्लीराज विष्ट र प्रहरी निरीक्षक जगदीश भट्ट बर्खास्तमा परेका थिए । सरकारी छानबिन समितिको सिफारिसका आधारमा ८ कात्तिकमा उनीहरुलाई सरकारी सेवाका लागि योग्न हुने गरी बर्खास्त गरिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।