आइसीसी विश्वकप लिग-२ अन्तर्गतको त्रिकोणात्मक एकदिवसीय सिरिजका लागि नेपाली क्रिकेट टोली युएई प्रस्थान गरेको छ ।
नेपाली टोली अभ्यास खेलपछि श्रीलंकाबाट युएई प्रस्थान गरेको हो । नेपालले सिरिजको तयारी स्वरूप श्रीलंकामा चार अभ्यास खेल खेलेको थियो ।
नेपालले सुरुवाती ३ अभ्यास खेलमा जित हात पार्दा अन्तिम खेलमा पराजित भएको थियो ।
नेपालले लिग-२ अन्तर्गतको आफ्नो तेस्रो सिरिजमा घरेलु टोली युएई र पपुवा न्युगिनी (पिएनजी)विरुद्ध खेल्ने छ ।
सिरिजको पहिलो खेलमा नेपालले पिएनजीविरुद्ध खेल्नेछ । यो खेल चैत २ मा हुनेछ ।
नेपालले दोस्रो र तेस्रो खेल आयोजक युएईविरुद्ध चैत ४ र ७ मा खेल्नेछ । उसले अन्तिम खेलमा पिएनजीविरुद्ध चैत्र ८ मा प्रतिस्पर्धा गर्नेछ ।
लिग अन्तर्गत दुई सिरिज खेलिसकेको नेपाल ८ खेलमा ८ अंक जोडेर तालिकाको छैठौं स्थानमा छ ।
१२ वटै खेल गुमाएको पिएनजी बिना कुनै अंक पुछारमा रहँदा १४ खेलबाट १६ अंकका साथ युएई तेस्रो स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।